МБҮА ТББ нь Нийслэл Улаанбаатар хотын Авто замын түгжрэлийг бууруулах нэгдсэн төсөл хэрэгжүүлэх нэгжтэй хамтран ажиллах хүрээнд удаа дараагийн уулзалтуудыг хийж байгаа бөгөөд 2025.04.14-ны өдрийн уулзалтаар МБҮА ТББ-ын Гүйцэтгэх захирал Г.Батсүх, Салбарын бодлого, төлөвлөлт, судалгааны хэлтсийн дарга М.Энхбаатар нар дараах асуудлыг хөндлөө.

Уулзалтаар төслөөс хэрэгжүүлж байгаа төсөл хөтөлбөрүүдэд Фидик-ийн гэрээний зарчмыг тусгах, төслийн нэгжийн ажилтнуудыг Фидик-ийн сургалтад хамруулахад дэмжлэг үзүүлэх, төслийн үйл явцын мэдээлэл болоод бусад арга хэмжээнүүдэд МБҮА ТББ-ын Гишүүдийг хамруулах зэрэг олон талт хамтын ажиллагааг хэрэгжүүлэх, хамтран ажиллахад бэлэн байгаагаа илэрхийллээ.